Кулун тутар 5 күнэ Саха сиригэр - Норуот маастарын күнэ.
Саха сирин норуоттарын төрүт үгэстэрин сөргүтэр, үйэтитэр уонна сайыннарар сыаллаах, 2012 сыллаахха өрөспүүбүлүкэ баһылыгын ыйааҕынан Норуот маастарын күнэ төрүттэммитэ уонна кулун тутар 5 күнүгэр ыытыллар буолбута. Бу бырааһынньык күн араас быыстапка-дьаарбаҥкалар, кэнсиэрдэр, маастар кылаастар, сэлээлии хаамыы о.д.а. тэрээһиннэр ыытыллаллар. Быйылгы Норуот маастарын күнэ Улуу Кыайыы 80 сылыгар ананыа.
Улуу кыайыыны тыылга уһансыбыт, биир дойдулаахтарбыт туосчут Мария Николаевна Рожина уонна норуот маастара Горохова Александра Егоровна-Иис Саанньа олохторун, үлэлэрин сырдатар альбомнары билсиҥ, сэргээҥ .
