Олоҥхо — саха омук былыргы дьыллар быыстарыттан сырдык уонна хараҥа, айыы уонна абааһы аймахтара утарыта турууларын, күрсүүлэрин туһунан уостан уоска бэриллэн кэлбит уус-уран айымньыта. Олоҥхо киһи өркөн өйүн күүһүн күдэҕин кыаҕынан айыы аймаҕын күөмчүттэн көмүскүүр үрдүк аналын хоһуйар.

2005 сыллаахха сэтиньи 25 күнүгэр, ЮНЕСКО олоҥхону аан дойду култууратын биир саамай чаҕылхай шедеврынан биллэрбитэ. Бу күҥҥэ олоҥхону киэҥ араҥаҕа тарҕатар, үйэтитэр соруктаах тэрээһиннэр ыытыллаллар.

Хомус күнэ 1990 сыллаахха Дьокуускайга аан дойду норуоттарын хомуһун түмэлэ аһыллыбыт күнүгэр сөп түбэһиннэрэн олохтоммут. Түмэл аһыллыытыгар Алексеев Иван Егорович — Хомус Уйбаан сүҥкэн өҥөлөөх. Бэлиэ күн 2011 сыллаахтан бэлиэтэнэр. Бу сыл бэс ыйыгар хомуска 1344 киһи тэҥҥэ оонньооннор, Гиннесс рекорда олохтоммут.

Бу үтүө күннэри көрсө тургутукка киирэн кыттаргытыгар ыҥырабыт.

https://onlinetestpad.com/2nafj2ybzfb2q